ما بين التطعيم وكونك ست

 مبدئيا في تنبيه مهم التدوينة دي غير علمية تماما  وانا غير مختصة بالاضافة انه  هنا بكتب بشكل فضفضة وبشاركم أراء واحصائات بسيطه اكتر ما هي معلومات 

بسم الله نبدا بعد التوضيح اللي في الاول دا 

بقالي فترة مش بكتب وغالبا التدوينة دي هتبقي مرتجلة تماما وهحكي بلغة عامية ممزوجة بفصحيباحتمال كلمة أر اتنين انجلش بمعني تاني هاكتب زي ما الكلام يجاي في دماغي 

 دائما كانت علاقتي بعادتي الشهرية او زي ما بيقال بالعامية المصرية الدورة او لو عايزة تبقي  تقوليها بلغه انحليزية ال period 

كانت علاقة متوترة جدا عشان الالم اللي بيكون في كل جسمي اثنائها وقبلها وبعدها وحاجة كدا مرار بمعني الكلمة  ويمكن توتير شهد على صياحي الدائم من الالم جا موخرا لاني بدات مش اتكسف اني اقول دا  في العام 

 طبعا دا كان اشكالي وربما ناس تشوفه قلة حياء بس انا لم اعد اهتم الصراحة  عشان انا كنت بشتكي في العام بشكل اساسي عشان يمكن الاقي حد يقولي حلول غير المسكنات طبعا فى ان الالم يقل  

والحقيقة إن اليوجا والجري قلل هذا الألم نوعا ما 

أنا بقي عايزة زي ما بيقول ألقي ضوء علي حاجة تخص الدورة الشهرية واللقاح الخاص بفيروس كورونا 

 8 مايو 2021 أخدت أول جرعة من اللقاح وكان حظي معقول وعرفت أخد استرازنيكا ٍ أخدت الجرعه الصبح عادي ورجعت البيت وأنا متوقعة اعراض معينه علي حسب ما الواحد سمع من الناس تآني 

المفاجأه إنه مش حصلي أي اعراض كبيرة يدوب يومها كنت محتاجة أنام بشكل آكتر وشوية وجع مكان الحقنة وبس كدا لا سخونية ولا أي تعب لدرجة إني شكت في فاعليه الحقنة إللي أخدتها دي 😅

لكن بعدها باسبوعين حصل عرض ماكنتش سمعت عنه خالص إلا وهو إني دورتي الشهرية جات بدرى أسبوع بحاله.. ساعتها قلقت الصراحة شوية بسيطة وظنت إنه يمكن بسبب الضغط العام.. لكن مكنش دا بس كان كمان كمية الدم غير الطبيعي بمراحل كبيرة جدا. في الوقت دا بدأت أقلق شويه وبدأت أفكر  إيه حصل جديد في حياتي يخلي دا يحصل أها اللقاح. بس قبل ما أقرر إن دا السبب النهائي قررت أعمل زي سؤال سريع علي توتير عندي لسيدات إذا كونهم واجهو أي نوع من عدم الانتظام بعد اللقاح. 

أنا تقريبا عندي حوالي 2000 متابع ومتابعه جاوب علي هذا السؤال إللي كان نعم أو لا حوالي 67 سيده. 

حوالي 40 منهن اجابوا بتعم انهن تعرضت لعدم انتظام بعد أخذ أحدي اللقاحات ولم يكن فقط النوع إللي أنا أخدته. بالاضافه لتوتير عملت نفس السؤال علي منصه أخري بس كانت الاجابه علي السؤال في المنصة التانيه أقل كانوا حوالي 5 سيدات فقط جاوب بتعم حوالي 3. إللي هو تعتبر برضه نسبه كبيره فوق ال 60٪ لكلا من المنصات.. 

بعد كدا بدأت الشكوي تتوالي  من سيدات مختلفة وبدأت بعض الأبحاث تشوف القصة دي تحديدا( لينك أحدي المقالات العلمية عن التأثير دا 

https://www.bbc.com/news/health-56901353 ) لكن للأسف مش بتوسع وكإن ستات الكوكب مش مهمين لدرجة إن حاجة زى كدا متمش حتي التوسع في جمع بيانات عمليه بخصوصها نهيك عن تعديل اللقاحات لتحنب للشئ دا..

الحقيقة عشان أكون أمينه إنه حتي لو كنت عارفه العرض دا مقدما مكنش هيمعني مني أخد اللقاح لأني بشكل أساسي مؤمنة باهميته.. انا حبت بس أوثق التجربة دي لأسباب كتير منها للتوثيق كفعل أساسي رغم إني اتأخرت في النشر.. 
ثانيا إنه  لعل وعسي حد  بيقرأها
 ثالثا إنه عايزة أقول إن للأسف ما توصلت له بسبب التجربة دي أو تجارب أخري إن الطب متحيز ضد النساء وإن هناك تميز بناء علي الجنس في الطب مش بس مجرد لنساء العاملات بالمجال لكن المجال نفسه كعلم متحيز ضدي كست!!!