السبت، 20 ديسمبر، 2014

رسائل لم ترسل

رسائل لم ترسل
المرسل اليه / اليك يا...
عزيزي الذي لن استطيع ان اكتب اسمه في اي من رسائلي السابقة واكتفيت بان اشير عنك بعزيزي البعيد تلك المرة لن استخدمها لانها اخر رسالة . اعلم اني مررا قلت انها ستكون الاخيرة ولم تكن ابدا ولكن تلك المرة مختلفة . فلنبدأ الرساله:  عارف مكنتش متخيلة اني كنت عبئ للدرجة ديه ومكنتش متخيلة انك منافق اوي كدا ومكنتش متخيلة انك هيكون معك سكينة مخبية ورا ضهرك وهتطلعها في الوقت المناسب ومكنتش متخيلة انك قادر تجرح بالسهولة ديه ومكنتش متخيلة اني استهال اني اسمع واشوف كل دا ..واضح  اني مكنتش متخيلة اي شئ و اي حاجة وواضح انك كان عندك كل الوجع والجرح دا وواضح برضه انك كنت بتكدب في كل اللي فات.  كدبت لما قلت اننا اصحاب وكدبت لما كنت مخبئ السكينة ديه وكدبت لما مقولتش اللي انت عايز تقوله وكدبت في حاجات كتير  . انا مش بلومك علي كدبك ولا علي اي شئ انا بلوم نفسي عشان كنت متخيلة انك غيرهم انك مش زيهم كنت بظن فيك انك مختلف ولكن واضح ان بعض الظن أثم صحيحة في حالتك بس السؤال ليه؟!  ليه عملت كدا ليه خدعتني ووهمتني بصورة مش حقيقة ليه قلت انك غيرهم وانك استثناء هل يصدق فيك قول درويش عندما قال " كم كذبوا حينما قالوا انهم استثناء" ولان اسئلتي هتبقي بلا اجابة ولان حيرتي هتبقي بلا مجيب ليها فانا قررت اني المم نفسي واكتب الرسالة دية  توثيقا مش اكتر ولا اقل ايوة صحيح جات متأخرة بس اهو افضل من مفيش ..  المفيش اللي طلعت بيه من الحكاية ديه بس معهم شويه وجع كُتار بس الوجع هيجي يوم ويروح ويفضل المفيش يفكرني بقد ايه كنت مُغفلة لما قلت وظنت انك غيرهم واحببتك كما لم احب من قبل ....
إمضاء...
من احبتتك اكتر مما ينبغي 

الخميس، 4 سبتمبر، 2014

خواطرهن




كان لديها روحآ قوية توازي اضعاف جسدها النحيل #إحداهن #هي


وقد أصبحت أرواح بعضهن هشة كهشاشة شئ لم يسبق لها هشاشة !!

لم تعد تثق لم تعد كما كانت حسنه الظن بالبشر ... لا تعلم متى تغير هذا أو ربما تعلم كان يوم ان خذلتها كان يوما بعيدا من سنون ولكنه كأنه الامس ! ‫#‏هى‬ ‫#‏إحدهن‬

وهى ليها ايه غير شوية ذكريات هتعيش عليهم اللى جاى واللى فات ! #لها

شفايفها باهته بس عينها بتلمع #هى #إحدهن

و#هى عينها بتلمع لمعه سببها دموع #إحدهن 

وقالت بصوت خليط ما بين  السعادة والحزن ف نفس الوقت " عارفه أنا مبسوطة انه عمل وحط الحد اللى بيسحب طاقتى وأنا بكره سحب الطاقة  هو يمكن ميعرفش دا بس كويس اهو عمل اكتر شئ بكره عشان كل ما افكر فيه افتكر سحب طاقتى ...."  #هى #إحداهن

شدى عودك يا ام أحلام طيّبة ... و ماتطلبيش مساعدة غير من ربنا ... #مروة_جمال

فلتعترفى يا عزيزتى فلتعترفى بحقيقه انك مريضه به .. لم تجدى اى انواع من الادويه فانه ضد المضادات الحيويه لم تجدى اى اقراص او اى مسكنات . الامر يحتاج الى عمليه جراحيه فورية



الثلاثاء، 2 سبتمبر، 2014

عزيزى البعيد






عزيزى البعيد ،، ان اغسطس شهر غير جيد بالمرة ربما لانه شهر الذى تأكدت فيه بان البعد اصبح حقيقا تلك المرة ...
عزيزى البعيد ،،  من شهر خان مات خان اللى عمل احسن افلامه اللى رشحتله يومها ،، خان مات والذكرى مامتش  ذكرى البعد والقرب لسه موجودة ... 
عزيزى البعيد ،، انا بجانبك كنت لا اتخيل انى سوف نبتعد يوما ما كنت اظن اننا رفقاء روح فرفقاء الروح لا يفترقوا ابدا
عزيزى البعيد ،، أنا لا أعلم لماذا تُركت وحيدة اتحسس وجودك بجانبى فلا اجدك . كل ما اعلمه هو شعورى بالفقد والوحدة . الوحدة كنت لا اخشها ولكن الان أريد ان اقتلها...


عزيزى البعيد  ،، كل يوم اقول ان غدا سيكون يوما افضل وسوف انسك فيه ولكن ياتى غدا واحيانا يكون بالفعل افضل ولكنى لا انسى ...

عزيزى البعيد ،، اتعلم قلبى يبحث عنك دائما  داخل عقلى ولكنه لايجدك بعقلى .. من الان سوف أجعل  اداة البحث تتوقف من قلبى انها خطوات بسيطه وساوقف تلك الاداة ...

عزيزى البعيد  ،، اكتب اليك اخر رسائلى .. كل رساله اقول لنفسى انها ستكون الاخيرة ولكنها لم تكن ابدا حتى الان الاخيرة ..

عزيزى البعيد ،، اكتب اليك اخر رسائلى... لم اكن اعلم ان الموضوع كان سينتهى بهذا الشكل ولكنه  انتهى  كان يحتاج ضغطه منى وها انا ذا اضغط عليها بكل اريحية

عزيزى البعيد  ،، أتعلم؟!... انى اعلم انك لا تقرأ اى من رسائلى اذن لماذا استمر بالكتابه ؟! ..

عزيزى البعيد  ،، لم تكن هنا وقت نجاحى ف هذا الشئ أوذاك المشروع  .. اعلم انك ربما كنت ستكون سعيدا بيا ولكنك لست موجود الان ..

عزيزى البعيد  ،، يقولون ان الكتابه والاحلام تنهى القصص وهى ما تضع كلمه النهايه لاى قصه على الارض .. اعتقد انهم مخطئون بل هم بالتاكيد مخطئون فانا اكتب منذ فترة لست بقليله ولا شئ ينتهى ...

عزيزى البعيد ،، أتتذكر حينا قلت انى ساكون صديقك الابدى .. ربما هذة الجملة هى الدليل القاطع على انه لا يوجد شيئا ابديا فى هذة الحياة ...
عزيزى البعيد،، أتعلم أنا لست افتقدك فقط ولكن افتقد نفسى وأنا بالقرب منك . افتقد روحى تلك الايام ...

عزيزى البعيد ،، 


اتعلم انا لا الومك على البعد ابدا فالبعد هو قدر من الدنيا وعشان الدنيا قاسيه بتفرض

 علينا البعد، لكن انا بلومك على القرب واي قرب يا عزيزى انه هذا القرب القريب

جدا للروح





الاثنين، 25 أغسطس، 2014

وهى ليه هنا

والسؤال اللى ديما بتساله مش ايه اللى وداها هناك السؤال ايه اللى جبنى هنا .. انا ليه هنا وسط كل دول  ده سؤالها اليومى المعتاد ومن كتر ما بتساله بتنسى تجاوب عليه ولا مش عارفه تجاوب عليه مش فارقه كتير .. وبعد عدم الاجابه عن السؤال ده يجاى اسئله كتير زى مثلا انا ليه مش هناك وبعديها هو فين هناك .. هناك مكان ما الاقى روحى وانا روحى تايهه مش لاقيه راحه ومش لاقيه حته هاديه مفيهاش اسئله ولا اجوبة ...

الأحد، 24 أغسطس، 2014

شويه حاجات

- انا حد شاطر ولا بيقلد حد شاطر ولا اصلا حد مش شاطر ولا بيحاول يكون حد شاطر
- بحبك ايوة لسه بحبك وايوة انا لسه ملتزمة بعلاقه اصلا مش بدات 
- بقيت اقوى وبقيت اعرف اقاوم اشتياقى ليك 
- كرهت ضعفى قدامك يومها وكرهت نفسى معها بالمرة 
- هروح بعيد ما انا اصلا بعيد ...هو انا كنت ف يوم قريبه ؟
- هخلص حالى واهاجر واسيبها .....طيب وامى هسيبها لمين ؟
- سألتك سؤال يومها ولحد دلوقت وبرغم اجابتك مش عارفه الاجابه 
- امى مفيش زيها اتنين متناقضه زى بس برضه امى 
- ابويا بتخانق معه كتير وفى نفس الوقت انا زهقت من اختلافى معه
- يا ترى هيفهم ابويا فى يوم اننا لازم نعيش حياتنا احنا مش حياتهم اللى هم عايزينها 
- اصحابى كتير وقليلين ف نفس الوقت 
- جروحى متوزعه على اصحاب الكتير والقليلين فى نفس الوقت 
- بكره  طريقه شغلى الحالى ف الجامعه  وبحب فكرة انى بشتغل
- كسلانه جدا وفى نفس الوقت عايزة انطلق 
- انا مين يا جرح انا مين يا غدر بنسى وبسأل نفسى كل يوم سؤال مالهوش اجابه 
-يا ترى مسموح انى ابوح بالسر.... وهو فيه سر اكتر من اللى قلبى شايله ؟
- ويا ترى لو بوحت القلب هيرتاح ويحس بالراحه ولا كانى ما قالت 


الأحد، 3 أغسطس، 2014

بداية ونهاية قصصهن ( 3)


قصصهن (3)
ديه سلسلة قصص ناويت اكتبها مستوحاه من خيالى اولا ومن واقعى ثانيا تجربه كتابه عايزة اشوف هتودينا ع فين ، فضفضه من نوع اخرى يحمل شكل القصص ولكن بطريقه مش احترافيه وبطريقه عفوية جدا لان اللى بتكتب لسه مش قررت انها تشوف الاحترافى ازاى ومعنا تالت قصة :
 بدايه ونهاية 
صحيت من نومها على حلم غريب عجيب بس حلو ف نفس الوقت . بطلتنا  بنت انطوائيه وعاده مش بتحلم كتير او لما بتحلم بتكون مجهزة هى عايزة تحلم بايه بتكون مرتبه ف دماغها ان النهرده عايزة احلم بكذا وكذا   وتسيب نفسها للحلم بعدها
 بس المره ديه مكنتش مجهزة بالعكس هى كانت مقرره من فتره انها متجبيش سيرته اصلا الا هو عزيزيها البعيد . حلمت انها معه برغم انها واثقه انه اصلا مش نصيبها من اول يوم شافته فيه.  وبعد صحيانها واستغرابها للحلم لاقيت نفسها بتفتكر اول يوم شوفته فيه  ده تقريبا عدى عليه سنه او اكتر بس المفأجاة انها  فاكرة اليوم بكل تفاصيله!!  فاكره كانت لابسه ايه فاكرة هو كان لابس ايه  فاكرة المكان اللى اتفقوا يتقابلوا فيه فاكرة الشارع الطويل اللى مشيوا فيه يومها ، فاكرة التفاصيل كلها وفاكرة الكلام اللى اتكلموه كله لاقيت نفسها بتردد الكلام اللى قاله عن رايه فى شغلها ولاقيت نفسها بتقول ردودها اللى قالتها ساعتها . وافتكرت ازاى ضحكت على كلامه عن موضوع معين . فاكرة لمعان عينه وهى بتتكلم عن موضوع كان شده وفاكرة ازاى كان عجبها ارائه فى معظم اللى اتكلموا فيه فاكره دهشتها ان فيه ناس لسه جميله كده . فاكرة كانوا طلبوا ايه وفاكرة ساعه لما سكتوا فجأه وبرغم السكوت والصمت الا انه كان حاصل تواصل تواصل يسرى فى الجسد كله تواصل لاول مرة تعرفه .. ايه ده هو الصمت بيعمل تواصل ؟!! كانت تتسأل بداخل نفسها بصمت . 
 انتهى!

الجمعة، 1 أغسطس، 2014

عايزة

عايزة اخلص الماستر
عايزة اجيب لاب توب
عايزة اسافر بره مصر 
عايزة اجيب تاب او موبايل كويس
عايزة اجيب عربيه واتعلم السواقه
عايزة اتعلم المانى وايطالى
عايزة اقوى الانجلش
ده بدايه كده بتاريخ 1-8 وهيحصلها كل شويه ابتديت 

عايزة ايه

امبارح 31-7 - 2014 قابلت رحمة وزينب بالصدفه واتكلمنا عن حياتنا  وال Career بتاعتنا وكده وكانت اهم جمله اتقالت  هى " انتى عايزة ايه " وكنت اللى قالتها الجميلة رحمه :)  ..جمله بسيطه من 3 كلمات تقريبا بس بتلخص كتير وخلتنى اسأل انا فعلا عايزة ايه وهل اللى بعمله بيقربنى ولا بيعدنى عن اللى انا عايزها بس الاهم من اللى بعمله " انا عايزة  ايه " فقررت انى افكر وافكر كتير ايه اللى عايزها  وبرغم انى محدده تقريبا اللى  انا عايزها  بس لازم اخليه ديما ف دماغى ومخليش مطحنه الحياة تنسينى اللى  انا عايزة وعلى فكرة مش شرط اللى  انا عايزة يكون يعجب الناس ولا شرط انه يبقى حاجات عظيمه وحاجات واااو ممكن يكون انى عايزة بس انام واصحى مش مهم هو ايه المهم انى ده اللى انا عايزة عشان وزى ما قالت رحمه برضه " مفيش اسوء من ان  الوواحد يصحى يلاقى نفسه مكنش بيعمل اللى هو عايزه " 
البلوج ديه للتوثيق للساعتين المهمين دول :) 

الأربعاء، 30 يوليو، 2014

الصحاب

بقالى كتير مكتبتش فى المدونة ولاسباب لا يعلمها الا الله او يمكن الاسباب مدورتش عليها بالتالى ممكن تلاقوا ان البلوج ديه مرتبكة غريبه مش منظمه كفايه فمعلش استحملوها .. المهم هنكتب عن ايه النهرده هنكتب عن الصحاب  . لو جينا نتكلم عن معنى كلمه الصحاب هنلاقى انها جايه من الفعل يصاحب يعنى هو الشخص اللى بيكون معك ف رحلتك ف الحياه واعتقد انه لو أمنت بمقوله" ان الكنز فى الرحلة " فاول كنوز الرحلة ديه هم البشر الصحاب
مبدئيا انا حد بيقدر الصداقه جدا  وبيحاول يراعى اصحابه كويس ويكون صديق حلو وظريف كده -اعتقد يعنى - وربنا برضه انعم عليا باصحاب كويسين داعمين ليا ف كل المواقف اللى حصلت ليا ف الدنيا فالنهرده هنتكلم على شويه منهم
- بنات دراو ... دراو بلد الحلوين دراو بلد الجدعين :) بنات دراو مهمين واشخاص مفصليه ف حياتى كلهم بلا استثناء  من اول بنات دراو اللى كانوا معايا فى الكليه ( إيمان - مروة - اسماء - صافى )  لحد مها ومها وفاطمة  فى الشغل  واخيرا سارة . وكل واحده فيهم لها ف القلب مكانه ولها مواقف معايا ممكن اقول شويه منها هنا
فلو هنبدا نبدا بايمان : ايمان شخص اول ما تشوفه مش بتملك الا انك ترتاح له مش معك حل غير كده - وده مش كلام انشئ لا ده بجد جدا- إيمان تحمل من التفاؤل والطيبه ما لا يحمله شخص فى هذة الدنيا ومش قصه انها بتقولك كلام كويس وكده الا انها مستمعه جيده وصمام امان فى حياتى بشكل لا تتخيله  انا لحد دلوقت لسه فاكرة يوم ما تعرضت لاول حادثه تحرش ولاقيتنى بكلمها وانا منهاره  جدا  وحالتى صعبه وبرغم بعد المسافه بينى وبينها ساعتها الا مكالمتها ديه عرفت تحتوى حاجات كتير وده على سبيل المثال عشان لو فكرت اكتب كل حاجه المكان مش هيكون كفايه.
مروة : عارف الناس للى انت متأكد انه هيقولوا كلمه ابرك من عشره اهو ام جودى تنتمى لنوع ده من الناس مروة مُميزة جدا عندى مميزة عشان اسباب كتير بس اهمهم انها كسرت الاسطورة الخايبه اللى بيرددها شويه ناس مش بيكونوا مهتمين باصحابهم الا وهى  ان اللى بتتجوز بتبعد عن اصحابها مروة برغم انها معها جودى دلوقت الا ان مشاء الله عليها بتعرف تتواصل معنا كويس . عشتى زاخر للشعب يا ام جودى :)

صافى : هذة البنت اللى مليانة طموح ونشاط وحب هى صفاء  واخده لى بالك من حب ديه يا صافى ;)
اسماء : صاحبه الغمزات  الاولى وطبعا اسماء لو فكرت اقول على مواقفها فديه هعتبر فضيحه ليا وليها فكفى الله المؤمنين شر القتال :) ;)
مها : يعنى هو ايه اللى المفروض يتقال  حاجات كتير كتير اوى . زميله المعمل ومغامرات المعمل دوحه وكدهون  الماسكرا ويوم الزبادو العالمى والكلام عن كل حاجه وكل شئ  الحب الحب الشوق الشوق
مها :  زميله الابيرك العظيم مفيش بينا كتير بس ف تواصل بشكل معين حلو ولطيف وخفيف كده 
فاطمة : iTians يعنى جمعت الحسنين جمعت انها من دراو وانها خريجه الاى تى اى محدش بيكون خريج الاى تى اى الا ويكون فيه حاجه حلوة . فاطمة معرفتى بيها بقيت قويه لما اشتغلت ف الكليه حد جدع وبن اصول كده وبتعرف فى الاصول بشكل حلو خالص يمكن جيلنا يفتقد لده بس هى مش مفتقده  وما بينا حاجات كتير خالص اعتقد اننا الفترة الاخيرة كنا بنقضى وقت مع بعض اكتر من كل واحده بتقضيه مع عايلتها she know what i talk about ;) :D
 نجى بقى لاخر النقود ف العايله الكريمة الا وهى سارة  يمكن عرفت ساره فى ظروف تعتبر غريبه شويه عرفتها وانا معايا مشاكل غريبه ولذلك الناس اللى بتعرفهم ف مشاكلك هم الابقى :) .مش هتكلم عن اللى بينا بس هى كلمه وحده انها صغيره بس لديها من الحكمة الحياتيه ما يكفى
ده كده مرور سريع عن اول صحاب وللحديث باقيه طبعا

الخميس، 2 يناير، 2014

قالوا عنى

اكيد كلنا عارفين لعبه الارقام اللى بدات زى النار ف الهشيم ف الفيسبوك مع بدايه سنه 2014 وبالرغم ان كان ناس كتير مش عجبها  اللعبه بحجه انه نفاق وهرى وبتاع وانه مش عايزين التايم لاين بتاعهم يبقى مليا شويه كلام للعبه وانهم شايفين ان اللى بيلعبوا دول تافهيين و شويه حاجات كده الا الناس اللى بيلعبوها اصروا انهم يكملوا لعب واستمرت يمكن لاكتر من 3 ايام  متواصله وبقوة كمان لدرجه انه اتكتب عنها  فالجرايد وكده . المهم يعنى انا كنت قلت انى هاجمع كل اللى اتكتب عنى عشان افضل فاكرة لو فيه عيوب اصلحها و افتكر الناس اللى قالوا كلمه حلوة ف حقى يمكن احتاج الكلمات ديه ف يوم من الايام واهى التجمعيه اللى انا عرفت اجمعها طبعا مش كلها لكن دول اللى قدرت اجيبهم 


جمال و طيبة النوبه هي
دماغها عاليه جداً و ف اعتقادي ان مهما اصحابها فهموها ،، ف هما لسه ماعرفوش عن شخصيتها كل حاجه ،،
انا ممكن اشبها بالنيل ،، عندها عطاء للي حواليها حتي لو العطاء ده معنوي ،، و عمرها ما بتخلص و اسمها علي مسمي
I love U #smile



هي ناشطه نوبيه قبل ماتكون مهندسه ,,
عندها اعتزاز بتراثها الحضاري بطريقه فوق الوصف
عندها عقليه معمليه فذه ,, ودحيحه برضو ,,
ليها منظورها الخاص لكل حاجه
تختلف معاها او تتفق معها في الرأي لكنها لا تملك سوي الاحترام طريق للنقاش
عدت عليها أوقات صعبه بس قدرت أنها تثبت أنها صخره الأمواج تخاف منها
بتدعم شباب كليتنا وشباب IEEE بشكل لا يصدق
ربنا يكرمها وبالتوفيق دايما !!


دكتورتنا الجميلة
نسيتك من بعد ثانوى و اتقابلنا متأخر مكنتش فاكر انك شاطرة جدا كدة
ياريت متزعليش من الطلبة اللى عندك ف الكلية اللي اتخانقتى معاهم من بلكونة البيت عندك .. مكنش قصدهم يضيقوكى :))

طلبت منها رقم عشان أقولها اللي في نفسي
لما باتحط في موقف جديد أو مش عارفة أتصرف فيه أو تعجزني فيه وغودية من أمامي بافكر: لو كانت هي مكاني ممكن تعمل ايه؟ عقل راجح أوي ..
 زيادة عن اللزوم باحقدها بصراحة على قوتها وثباتها على الحاجات اللي هي مؤمنة بيها مهما قربت منها دايماً حاسة إن لسه فيه أكتر
.. نفسي أقرب تاني .. ناجحة وشجاعة ومنطلقة كده تحسسك بالشمس والهوا


عارفه : صعب الكلام فى السر المعلن فى اللعبه دى وبذات معاكى .
. خايفه انسى حاجة حلوة عندك عشان انتى حساسة بزيادة .. صادقة عن اقتناع .. جدعه ومن قبل ما اتجدعن معاكى ...
. بنت حقيقية فى زمن قل فيه البنات اللى كده .. شوية كمان وهكتب أسمك بالغلط



معجبه بيكى بروحك المرحه وخفة دمك
و بحس فيكى حد عنده اصرار و مثابره احب جدا علاقتنا تتطور خصوصا وانى معنديش صحاب كتير


شخص عايش في عالم تاني لما تقرب منه تحس انه بعيد عن الدنيا ب 10 سنين اهم عيوبه اللافعل يفضل سنين مش عارف عاوز ايه شغل دراسة حياة خاصة و بالذات الخاصة دي


بنوتة اكدت لي ان بنات النوبة فيهم جواهر محتاجين نكتشفها بس ..
.. فيها عزة و هدوء و وقار مش عارفة جابتهم منين في سنها الصغير دة ...باحب فيها انها مكملة في حلمها رغم العراقيل ..يارب يبلغني يوم مناقشة الدكتوراة بتاعتها ....ونسي في ليالي سودة .
... ارواحنا و عقولنا ائتلفوا و بسرعة ....مفقوسة اوي صح ؟؟!!

شخصية اصيلة وجدعة لها ارائها المميزة الي بتعجبني اغلبها تحس ان الشخصية دي
كوليكشن غريب كدة له استايل مختلف رغم ان احنا نعرف بعض من زمااااااان بس اتضح ف الفترة الاخيرة ان احنا مكناش نعرف بعض كويس او انا ع الاقل ولسه برضو بكتشف


حد اول ماتشوفه من شكله تشوف فيه طيبة زمان وتحس بارتياح غير طبيعى ولما تقرب منه بتحس بكمية حب غير طبيعية تبقى نفسك ماتسبهوش خاااااااااالص وبتضايق من طوله فى الصور معايا



الـدمـــــــــاغ #العليا
بتعجبنى أرائك جدا..
شخصية #قوية..
من الناس اللى شوفتها واستجدعتها جدااااااااا


انتي رمز
ساعات كتير مش ببقي فاهمك
ساعات بحسك طيبه وساعات بحسك شريره
بس انتي بنت جدعه جدا وطموحه جدا واتمني تقدري تكملي في مشوارك وتنفذي كل طموحاتك واحلامك
ساعات مش بحب فيكي عنصريتك
بس ستظلي رمز


عرفتك مدة صغيرة .. بس حسيت انى عرفت اميرة
نفسى نقرب اوى ونبقى اصحاب قريبين مش مجرد اتنين بيتقابلوا ع مزاج الظروف


شخصية طيبة وجدعة
تبصلها تلاقى البراءة فى عيونها
تسمعها تلاقى الحكمة فى كلامها
اخت كبيرة ليا
وكويس لاقيت حد غيرى بيؤمن بال inner peace


انك تقابل انسان تحس ان تعرفو من زمان تقف قصاد ذوقه وعقله اجلال واحترام وتقدير ..دي بتحصلي قليل اوي ..لما قابلتك كانت احدي هذه المرات القليلة

شخصية مكانها الحقيقي مش مصر
دماغها كبيرة وطيبة وهادية
يارب تحققي كل احلامك واشوفك حاجة كبيرة


من اكتر الناس اللى باعتز بصحوبيتها .. تفكيرها عالى ذكية وطموحة جدا جدا جدا وكلمة جدعة قليلة عليها قوى
 .. كلمة فى سرك (بأغير منك ساعات - بس غيرة حلوة يعنى نفسي ابقى زيك فى حاجات كتير منها ثقتك العالية فى نفسك واللى فى محلها اكيد -


معرفهاش أوي يعني , بس من الواضح إنها شخصية تتصاحب ويعتمد عليها وجدعة كده , وأكيد هنتقابل قريب ان شاء الله :))


بنت جددددددددددعه وصاحبه صاحبتها مالهاش فى الف والدوران ون واى زى مابيقولوا
انتى عجباااااااانى بكل مافيكى ولكن اتمنى انك تبقى شويه كيوت وتحاولى توصلى اللى عايزاه بطريقه تريحك وتريح كمان اللى قدامك .على الرغم ان انتى كده عجبانى ولكن بقى نعمل ايه شر لابد منه


بحب الشخصيه جدا ,احيانا من فرط اللباقه مش بفهمها بحب فيها انها متصالحه جدا مع
نفسها قويه جدا ,عايشه الحياه والحريه ,يمكن احنا مش بنتكلم كتير بس اهو قليل يكفي ,بعمل حسابي وانا بتكلم معها بخاف من رد فعل الشخصيه دي شويه !

شخصيه مجتهده .... مقضيتش معاها اوقات كتير بس احترمتها جدا .... اراءها في اي حاجه من دماغها

: أعرفها عن طريق اخواتها صحابي، للاسف مش بشوفها:-( ،
علاقتي فيسبوكية بيها أكتر ،من الناس اللي بحب أقرا بوستاتها،
 بحسها صادقة مع نفسها ، حد نضيف من جواه،الماجستير عمالها هسهس هتنجحي وتوصلي لأهدافك احنا افريقيات يعني ياجبل ما يهزك ريح ، بحس كمان عايشة حالة توزان نفسي
، جذورنا هي البتمدنا بطاقات نواجه بيها اي مصاعب
،لو سمحتي فضينا وقت عشان انا عايزة أحكي معاكي كتير ،حكاوي ياما واكتشف قواسمنا المشتركة ،بلطجة مني كدة هنكون صحاب



2alb abyaad w tayeb geddan geddaan ... sha5seyya qaweyya w dema3' bs bete3gebny dema3'ha w tafkeerha.. saree7a geddan w elly fi albaha 3ala lesanha dayman ... ana bamoot fiha w heyya bardo 3arfa
w kan nefsy ashofha awyyy abl ma asafer

انا لو احكي عليه انا هوصف ايه وده كل ما فيه ولا في الاحلام
اه ياسلام ياسلام ياسلام ياسلام
اول ماشوفتها عمري ماتوقعت ان احنا هنبقى اصحاب لان مفيش اي شبه بنا ظاهريا .. بس بحكم الشغل قربنا لبعض اكتر ومع الوقت اكتشفت ان فيها حاجات كتييييييييييييير زيي غير انها مقاتلة باسلة في الحوارات مادام مقتنعة بمبداها وشايفة انها على حق واحلى حاجة بتعجبني فيها انها لما بتغلط بتعترف بغلطها وبتقول نقط ضعفهها بكل شجاعه وده اللي بيخليها تكبر في نظري اكتر
اثرت عليا في حاجات كتير بحب الكلام معاها جدا في اي حاجة وفي كل حاجة القعدة معاها بتنقلني لعالم تاني خالص وحشااااااااااني اوي .


اول ما تشوفها كدة تحس بتفاؤل بجد بتحس ان الدنيا بخير وفيها ناس طيبة .
.. متعاملناش كتير بردو بس انا مصر اصرار شديد اننا نشتغل في المشروع اللي عرضته عليها واللي اكيد هي نسيته


عرفتها من فترة صغيرة .... حد كدا من اول تعامل تحس انها اختك .....عندها هدف جميل... اصرارها ...هايخليها تحققه وتعمل حاجة كبيرة قريب جدا ... ربنا معاكى.... لو محتاجة مساعدة اوعى تطلبيها منى


معرفتي بيكي جات من الكلية شوفتك هناك كتير و اقولك سر كدو صغنون كنت منبهرة بيكي مع انى معرفكيش ولا اعرفك ف سنة كام ولا بتشتغلي ف الكلية ولا اي حاجة بس كنت بحس كدة انك حد مهم اوى _الهيبة حلوة مفيش كلام_ بس بعد اما عرفتك شوية انبهاري زاد اصلا عجباني دماغك جدا و طريقة تفكيرك غير تقليدية بالمرة و حد مش صعب تتكلم معاه .........................استمرى متخليش حاجة توقفك خلي بالك انك مثل اعلى ل ناس كتير عايزة تبقى زيك
اه صح انا اساسا كنت بشوفك كتير بس تقريبا اول مرة اتكلم معاكي كنا ف المسجد زصليتي معايا جماعة بقى وانا كنت فرحانة بقى

شخصية جميلة اللي تقدر تقول عليهم " مصري أصلي " من بلاد الذهب حيث النفوس الصافية والقلوب الطيبة ليها وجهة نظر صادمة في بعض الاحيان لكنها صادقة
لما ادخل معاها في مناقشة هيكون بالورقة والقلم لإنها شخصية مينفعش تخسرها

مهندسة شاطرة ... ما اتعاملناش مع بعض كتير بس لما اتعاملنا اقدر اقوللك ان دمك خفيف ... و مش فضولية و مش تقيلة بالعكس ... يعنى كنتى عاملة توازن غريب جدا بين انك تكونى معروفة و محبوبة بين الناس و فى نفس الوقت مش تقيلة خالص !
ده غير ان بلدك ليها معزة خاصة عندى بعد الاسماعيلية طبعا
اعتقد من عيوبها انها لازم متكسلش وتحاول تنجز الحجات اللي عليها -العيب ده جبته من كلامها عن نفسها - ربنا يكرمها ان شاء الله

الضماير ف اللغه النوبيه

مبدئيا كده انا كنت عايزة اعمل ويب سايت لتعليم اللغه النوبيه ....بس حاسيت ان الموضوع ممكن يطزل شويه عشان اجمع داتا واعمل تصميم كويس وكده يعنى فقلت ليه مش ابدا بشويه حاجات بسيطه ع المدونه عشان تكون بدايه وعشان افضل فاكرة ع طوال انى المفروض اتحرك ف ده باسرع وقت ممكن ولما فكرت ايه اول حاجه ممكن ابدبا فيه فقلت ان الضماير هى اللى هنبدا بيها 
وهى كالاتى :
أنـــا  I

آي I ay الكنزي 
آي I ay الفديجة
أنـت you

أيـر er كنزي
إر ir فديجة

هو - هي هتلاقى الضمير واحد ما بين المؤنث والمذكر  he -she

تيـر ter كنزي

تــر tur فديجة

نحـــن we

أر ur كنزي

أو ou فديجة

أنتم you

أر ir كنزي

أور our فديجة


هم - هن they

تــر tir كنزي

تيـر ter فديجة 

عن اختراق روحك

يمكن اكون فعلا حد بسيط ويمكن اكون مش معقده اووى ويمكن اكون معقدة اووى لدرجه البساطه او ممكن اكون بسيطه اووى لدرجه التعقيد .. وبغض النظر عن كونى ايه بالظبط الا انى مش بحب حد يقرانى بسرعه ويفهمنى بسرعه مش عشان سبب الا انى بتخلبط اووى لما اكون مفهومة لحد اووى . بحس بعدم اتزان مش عارفه ايه سبب ده ممكن يكون مش صح احساسى ده لكن يا سيدى ده اللى بيحصل بقى .. مبحبش حد يخترق روحى كده ... والحق يتقال برغم عدم حبى لاختراق روحى الا ان الناس اللى بتعمل كده بحس انهم  بقوا ناس قريبه اووى ليا مش عارفه ازاى ولا ليه يمكن عشان قربوا وعرفوا روحك واختراقوا فانت بتقربهم ليك ما خلاص كد كده هم اختراقوا روحك فمش فارقه بقى قريبهم ليكى وخلاص او يمكن العكس عشان هم قربوا عرفوا يعملوا ده .... ليه بكتب الكلام ده انا بكتب الكلام ده عشان توثيق للحاله حصلتنى من كم يوم ومش عايزة احكى تفاصيل اللى حصل فبوثق ده ف البلوج ديه عشان كل ما افتحها افتكر اللى حصل يومها ... ع فكرة انا يومها قعدت اعيط عياط هسترى لما حصل وحاسيت ان حد اخترق روحى وفهمنى للدرجه ديه ... ده برضه للتوثيق مش اكتر ولا اقل ....

انا وردة





عنوان بلوج النهردة هو: انا ورده طبعا كلنا عارفين الورد وقد ايه هو حلو وجميل وطبعا  كلنا فاكرين افيه يسريه بتاع انا عايزة ورد يا ابراهيم اللى تقريبا تلات اربع بنات مصر قالوا  الافيه  ده ف يوم من الايام .. بس الصراحه عمرى ما قلته مش عشان انا مش بحب الورد الا انى الصراحه مش عارفه ايه هو تاثير الورد ع الناس والبنات عشان يطلبوه المهم بقى ندخل ف الموضوع . 
موضوعنا عن ان فيه ناس شايفينك مجرد ورده بتحلى حياتهم وخلاص لكن وجودك مش ضرورى اووى ولا مهم اووى . انت وردة مطلوب منك تبقى ع طوال حلو وجميل وريحتك حلوة ويسر الكل . مش مطلوب منك تبقى غير كده مش مطلوب منك انك  تبقى شى اهم من الورده ف حياتهم واول ما تدبل  وريحتك تروح هيرموك زى الورد اللى قبلك .....وبدون اى مبالغه يمكن عدد المرات اللى  حسيت بكده قليله اووى مش عشان انا مهم اوى او كده بس يمكن عشان مش باخد بالى اووى  . بس ممكن يكون  انت حصلك ده قبل كده ...  وهل انت اكتشفت ده وعملت ايه لما اكتشفته .... ليه بسال الاسئله ديه عشان مش عايزة اعامل حد ع هذا الاساس اصلا ولا عايز ان حد يعاملنى كورده يعلقها  ف اى حته ولا خلاص لانه بالتاكيد احساس قاتل انك تحس انك مجرد زينه  ف حياة حد .