السبت، 15 ديسمبر، 2012

من يوميات واحده عصرت الليمون

ده مش اكتر من توثيق للحاله معينه عشتها وجاه الوقت اللى اكتبها ليه عصرت ليمون 
مبدئيا كده الاخوان بالنسبه ليا بخ من ساعه محمد محمود من ساعه لما سبونا نموت عشان هم يكملوا العرس الدايموقرطى بتاعهم ومش قادرة الاقيهم اى عذر او تبرير. فبالتالى مرسى وشفيق كانوا واحد بالنسبه ليا واحد اشرف ع موقعه الجمل والتانى جماعته باعتنا ف محمد محمود . اللى باع زى اللى قتل بالنسبه ليا طيب يا اختى مدام كده ليه عصرتى ليمون بقى ،، عصرت ليمون عشان كنت خايفه من المستقبل شفيق كان بالنسبه ليا هو تكريس للحكم العسكر ، شفيق كان ف عهده هيبقى فيه دم ، شفيق ف عهده كان هيبقى فيه محاكمه عسكريه للثوار وللمدنين ، شفيق كان هيعلقنا كلنا ،. بصراحه خفت علينا خفت ع 6 ابريل وكل الحركات خفت كمان ع الاخوان ساعتها خفت ع كل المصريين اللى مش فلول انه يبقى دمهم مستباح مش خفت ع نفسى لانى انا واحده فردنيه مفيش ورايا اولاد ممكن يتشردوا من ورايا .
المهم بقى ديه كانت اسبابى ساعتها ، حبت اسجلها للذكرى وخلينا نشوف هل مرسى هيعمل اللى كان شفيق هيعمله ولا لأ

هناك 4 تعليقات:

  1. looooooooooooooool :D
    2olna balash lamoon mn elawl :P

    ردحذف
  2. هوه لسه حيعمل مهو عمل... افتكري اني قولتلك بلاش

    ردحذف
    الردود
    1. انا بسجل اللحظه مش اكتر ولسه ف يوميات تانى للحد ما وصل انه عمل

      حذف
  3. @samy اطلع بره من هنا يا بنى انت :D :P

    ردحذف