التخطي إلى المحتوى الرئيسي

ابدأ اتعلم برمجة




معروف عن البرمجة  وانك تكون مبرمج  من انهم اكتر المهن اللي فيه دخل مرتفع او على الاقل دخل معقول للكل الناس اللي تشتغل فيها  ، وبغض النظر عن الفكرة دي  الا ان البرمجة كفعل عقلي هي من امتع الاشياء اللي ممكن يعملها الانسان عموما : لأنها ببساطة لعبة العقل والدماغ  بالإضافة انها بتمتع بميزة مهمة اللي هي بتخليك تحس بالإنجاز تخيل نفسك عملت برنامج بيسهل حياتك او حياه شخص قريب منك اكيد هتشعر بإنجاز اكيد .
 لو انا عايز  اتعلم  لغة برمجة المفروض اروح فين ولا اعمل ايه  السؤال داه نحاول نجاوب عليه فى السطور الجاية  .
  في تعلم  لغات البرمجة.. لغة البرمجة مقطعها الاولى لغة فدا ينطبق عليه فرضية  اللغات اللى اسمها سابير-وورف  والفرضية دى بتقول انه اللغة اللى بيتكلم بيها الفرد بتأثر على اسلوب تفكيره   وبرضه الفرضية بتقول ان اسلوب تفكير الشخص وهو يتعلم لغته الاولى يختلف عن اسلوب تفكيره وهو بيتعلم لغته التانية   الفرضية دي فى علماء لغات مش موافقين عليها ولكن معظم او نقدر كل المبرمجين متفقين عليها وشايفين فعلا ان لغة البرمجة اللى بتتعلمها بتأثر في اسلوب تفكيرك وانه برضه اللغة البرمجية الاولى  وانت بتتعلمها بتكون اسلوب تفكيرك مختلف عن اللغة البرمجية الثانية لك كشخص.
 وانطلاقا من  هذا المبدأ عشان تتعلم لغة برمجة فعليك البدئ بتعلم لغة السى++ C++  كلغة برمجة اولى وتكون لغتك الاولى فى طريقه البرمجة ودا بسبب ان السى ++ تعتبر من اقل اللغات من حيث الانتاجيه بمعنى انها مش بتعمل حاجات كتير ( مثل ادارة الذاكرة ) لمستخدمها او للمبرمج ودا اللى  يؤدي  الى ان المبرمج نفسه بيعمل كل حاجة بيده   فيتنج عنه انه بيفهم اللغة وما يدور بها اكتر ، والسى++ بتكون اسلوب تفكير قوى لا تكونه اللغات الاخرى .
 يجاى السؤال  المهم هو أزاي اعتبر نفسى اتعلمت السى ++  طبعا لا تعتبر نفسك تجيد البرمجة بالسي++  لأنك تعرف ال class وال struct من شوية  محاضرات الكلية عشان تقول انك اجادت لغة البرمجة السى ++ واسلوب تفكيرك اتكون بناء عليها فدا بيجى بالعمل باللغة لمدة سنوات وفى مشاريع متعددة سواء كانت مشاريع صغيرة او كبيرة ويفضل تكون مشاريع فبها اكتر من مبرمج.
   السؤال هنا ازاى الاقى المشاريع دي فى الويب سايت دا http://1000projects.org/c-projects-2.html  عليها اكواد مشاريع بلغه السى++ نزل الاسهل لك وافتحهم واقراهم  من اساسيات التعلم هي التعلم بالمحاكاة فكونك تشوف مشاريع اخرى دا يساعدك تتعلم  لغة البرمجة .
تانى حاجه محتاج انك  تعملها عشان تتمكن من اللغه السى ++  انك تقرا كتب كتير في اللغة  تقرا اكتر من انك تسمع فيديوهات وبس القرايه كفعل تعليمى بيكون افضل من الفيديوهات لان الفيديوهات فعل تلقين ويفتقد التفاعلية  انما الكتب بتنمى عندك قدرة التحليل  والكتب الجاية  فى رايى هى افضل كتب ممكن تستخدمها فى تعلم السى ++
·        C++ Primer.
·        Thinking in C++
·        Object-Oriented Programming in C++


فى الاخير تعلم لغات البرمجة رحلة ورحلة مش سهله بس رحلة ممتعة ومفيدة جدا عايزة شوية شغف وصبر بيها وعليها  بس فى الاخر الكنز في الرحلة دى 

تعليقات

المشاركات الشائعة من هذه المدونة

الانسان عدو نفسه

بعد غياب طال الكتابه او بمعني    ادق النشر عشان احيانا بكتب لكن   مش بنشر . قررت اكتب التدوينة دي الساعه 2 ونص صباحا بتوقيت الاسكندرية اول يوم من ايام عيد الاضحي فى يوم 12 اغسطس 2019 عموما   التدوينة ممكن تكون متلخبطه وانا مش هحاول انقحها ولا اعمل فيها اي تعديل بعد اول درافت هنشره زي ما هيطلع كدا بكل اخطائة. حقيقى الانسان عدو نفسه وحقيقى هو كائن جاهل وفاكره نفسه عارف وعالم لكن كل يوم يطلع موقف او اتنين يقولوا عكس دا ويثبت حقيقة انه جاهل . الفكرة دي شغالة تزن فى دماغي بقالها ساعة او اكتر يمكن من نص النهار وهي بتلف فى دماغي . لما سالت نفسي عن اسباب ان الفكرة موجوده بالقوة دي طلع عشان حسابات الاسبوع او الكم يوم دول مكنتش صحيحة تماما وبدون دخول فى تفاصيل مش هتكون مفيد كتابتها ولا مفيد انك تضيع وقتك فى قرايتها   فالحقيقة المذكورة اعلاه دي بيجي معها حقيقة تانيه ان الانسان ضعيف وبيفتكر انه قادر على سد احتياجاته على الاقل الاساسية   لكنه غير قادر نهائي بالاضافه انه اصلا كائن متكلع وبيزود على احتياجات الاساسية احتيجات تانيه مش اساسيه واحتياجات اصلا ربما تكون عن جهله بالوقع وجهله حتي

اه يا من كنت حبيبى الجزء الاول

قصصهن (2) ديه سلسلة قصص ناويت اكتبها مستوحاه من خيالى اولا ومن واقعى ثانيا تجربه كتابه عايزة اشوف هتودينا ع فين ، فضفضه من نوع اخرى يحمل شكل القصص ولكن بطريقه مش احترافيه وبطريقه عفوية جدا لان اللى بتكتب لسه مش قررت انها تشوف الاحترافى ازاى ونبد بتانى  قصة اه يا من كنت حبيبى الجزء الاول  بطلتنا هذة المرة هى ممن يؤمنون ان الحب الاول هو الحب الحقيقى ف حياه الانسان واى حب بعده ما هو الا تكرار لهذا الحب بطلتنا ظلت حبيسة حبها الاول لاعوام تفوق العشر سنوات لم تكون تدرك هذا ولكن موقف بسيط هو من اوضح انها حبيسة هذا الحب. هى فتاه تملك الجرأة والصراحة والوضوح والطفولة ف وقت  واحد لاتعلم من اين تاتى بهذة الاشياء مجتمعة ولكنها موجوده .بدات حكايتها تقريبا  ف عامها الثانى بكليتها  بدات وهى لا تعرف ما هو الحب اصلا- لم تعيش مراهقه مثل باقى البنات لم تعرف ما هى قصص المراهقه لم تكن تهتم اصلا بالجنس الاخر تعتبرهم اخوه واصدقاء  لم تكن تدرك انها انثى ، كانت تعيش  تذاكر وتجتهد ف دراستها وتعيش حياتها كانسان بدون النظر الى انها انثى  - . بدات الحكايه  بلقاء مصادفه وهم يدخلون نفس قاعه المحاضرات  ي

كيف تكون صديق نفسك

لما نبدا نفكر فى حياتنا وفى كل اتجاهاتها هنلاقى ان العلاقات هى المُشكل الاساسي فيها ، علاقتنا باصدقائنا او الاقارب او علاقات العمل من زماله وعلاقة  رئيس بمرؤسين . اعتقد ان العلاقات سبب اساسي فى حيرتنا وفى حاله الضغط اللى بتكون علينا، لاننا ديما مشغولين  هل بندير علاقتنا بشكل جيد هل  بنكون اصحاب اكفاء ، مديرين كويسين والى اخره من التنصيفات لكل نوع علاقة . فى الفترة الاخيرة اكتشفت اكتشاف مكنتش مُتخيلة انه بيحصل اساسا. الاكتشاف  هو : انه في بعض الناس بتفضل تكون فى علاقات مع ناس بيضغطوا  عليهم او مش بيحبوهم كما ينبغى، عن انهم يكونوا اشخاص وحيدين او يبقوا لوحدهم . ودا لاسباب كتير منها على سبيل المثال الخوف من الوحدة ، عدم القدرة على انهم يكونوا لوحدهم فترة ، او اخيرًا انهم مش عارفين يكونوا اصحاب نفسهم . فى التدوينه النهاردة  هقول شوية خطوات ازاى تبقى صاحب نفسك ، وازاى تشوف نفسك انك تستحق صحوبيتها. التدوينه مشاركه منى لخبراتى لان الفترة الاخيرة عرفت اعمل كدا وبشكل ممتاز . -           ابذل مجهود ان تقضى وقت لوحدك   يوميًا . الوقت  يكون من النوع الرائع او اللى الاجانب بيسموه quality