التخطي إلى المحتوى الرئيسي

عن التجارب الناقصة المرعبة

الكتابه هي حجر النهاية للفصول في حياتنا بطريقة بسيطة قالها شعبان ليا من  سنتين علي موضوع كنت كاتبها يومها احتفل بيا وقالي شاطرة يا بسبس انك كتبتي عشان تنهي الحكايه وتقلبي الصفحة.  طيب دا الحال للحكاية الكاملة والمفهومة طيب بالنسبه للحكايات الناقصة اللي مش مفهومة يا شعبو نعمل ايه عشان نخليها تنتهي للاسف شعبو مش هنا عشان اسأله خُسرته زي ما 
بخسر حاجات كتير بس مش دا موضوع المدونة حاليا

موضوع المدونة عن   الحكايات الناقصة اللي مش مفهومة وبرغم نقصان الحكايه الا انها مأثرة تاثير مش ايجابي لكن تاثير سلبي.  الحكاية الناقصه للاسف هتفضل لحد اخر العمر ناقصه ومش هتفهم حاجه يمكن الزمن يحن عليك بشوية مفاتيح للفهم ويمكن لأ
 وتفضل مش عارف  ايه اللي حصل وحصل ازاي وليه واشمعني بالشكل دا، من خصائص الحكايات الناقصه انها بتلخبطك اكتر وبتعمل شوية لخبطة وعدم فهم للعالم المحيط ويمكن عدم فهم لنفسك وحاله اللخبطة ديه من اسوا الحاجات اللي ممكن تحصل في 
.حياة الانسان صحيح انت بترجع للتوزانك تاني لكن بتاخد وقت مش قصير

 وفي الحقيقة  وانا من ساعه الحكايه الناقصة ديه قررت ان محدش هيعمل 
 فيا الموضوع دا تاني واني مش همر تاني بحكاية ناقصة مش مفهومة ومش هسمح لحد او لشئ يخليني اعيشه تاني. وان اللي كان سبب في نقصان او عدم فهمي لا يمكن اسامحه مهما كانت اعذاره.
  ولما تسأل عن كيف النهاية والنجاة  فالشئ الوحيد  الاكيد ان النجاه بايدي ربنا  وهو القادر انه ينجينا من التجربة  الناقصة المرعبة 

تعليقات

إرسال تعليق

المشاركات الشائعة من هذه المدونة

الانسان عدو نفسه

بعد غياب طال الكتابه او بمعني    ادق النشر عشان احيانا بكتب لكن   مش بنشر . قررت اكتب التدوينة دي الساعه 2 ونص صباحا بتوقيت الاسكندرية اول يوم من ايام عيد الاضحي فى يوم 12 اغسطس 2019 عموما   التدوينة ممكن تكون متلخبطه وانا مش هحاول انقحها ولا اعمل فيها اي تعديل بعد اول درافت هنشره زي ما هيطلع كدا بكل اخطائة. حقيقى الانسان عدو نفسه وحقيقى هو كائن جاهل وفاكره نفسه عارف وعالم لكن كل يوم يطلع موقف او اتنين يقولوا عكس دا ويثبت حقيقة انه جاهل . الفكرة دي شغالة تزن فى دماغي بقالها ساعة او اكتر يمكن من نص النهار وهي بتلف فى دماغي . لما سالت نفسي عن اسباب ان الفكرة موجوده بالقوة دي طلع عشان حسابات الاسبوع او الكم يوم دول مكنتش صحيحة تماما وبدون دخول فى تفاصيل مش هتكون مفيد كتابتها ولا مفيد انك تضيع وقتك فى قرايتها   فالحقيقة المذكورة اعلاه دي بيجي معها حقيقة تانيه ان الانسان ضعيف وبيفتكر انه قادر على سد احتياجاته على الاقل الاساسية   لكنه غير قادر نهائي بالاضافه انه اصلا كائن متكلع وبيزود على احتياجات الاساسية احتيجات تانيه مش اساسيه واحتياجات اصلا ربما تكون عن جهله بالوقع وجهله حتي
تعليق واحد
قراءة المزيد

اه يا من كنت حبيبى الجزء الاول

قصصهن (2) ديه سلسلة قصص ناويت اكتبها مستوحاه من خيالى اولا ومن واقعى ثانيا تجربه كتابه عايزة اشوف هتودينا ع فين ، فضفضه من نوع اخرى يحمل شكل القصص ولكن بطريقه مش احترافيه وبطريقه عفوية جدا لان اللى بتكتب لسه مش قررت انها تشوف الاحترافى ازاى ونبد بتانى  قصة اه يا من كنت حبيبى الجزء الاول  بطلتنا هذة المرة هى ممن يؤمنون ان الحب الاول هو الحب الحقيقى ف حياه الانسان واى حب بعده ما هو الا تكرار لهذا الحب بطلتنا ظلت حبيسة حبها الاول لاعوام تفوق العشر سنوات لم تكون تدرك هذا ولكن موقف بسيط هو من اوضح انها حبيسة هذا الحب. هى فتاه تملك الجرأة والصراحة والوضوح والطفولة ف وقت  واحد لاتعلم من اين تاتى بهذة الاشياء مجتمعة ولكنها موجوده .بدات حكايتها تقريبا  ف عامها الثانى بكليتها  بدات وهى لا تعرف ما هو الحب اصلا- لم تعيش مراهقه مثل باقى البنات لم تعرف ما هى قصص المراهقه لم تكن تهتم اصلا بالجنس الاخر تعتبرهم اخوه واصدقاء  لم تكن تدرك انها انثى ، كانت تعيش  تذاكر وتجتهد ف دراستها وتعيش حياتها كانسان بدون النظر الى انها انثى  - . بدات الحكايه  بلقاء مصادفه وهم يدخلون نفس قاعه المحاضرات  ي
تعليقان (2)
قراءة المزيد

أنا لست بكارآ

بالطبع هنا اقصد الشخصيه الكرتونيه التى أخرجتها المخرجة منى ابو النصر وليس الاستاذ نادر بكار المتحدث الرسمى للحزب النور للاسف ان الشخصيه النوبيه لدى الكتير من المصريين ف الشمال هى الشخصيه الكرتونيه بكار ولكن يا سيدى انا مضطرة اصدمك واقولك انى مش بكار لان انى لاتحدث مثل بكار الذى لا يتحدث النوبية ولكن بطريقه لا يتكلم به النوبيين لان النوبين ياما بيتكلموا النوبية او العربية كما ان بكار يعيش وسط اثاره النوبيه ولكن هذا ليس الحال للنوبيين الذين لا يعيشون بالقرب من اثارهم الا القليل منهم ف مدنيه ابو سمبل السياحيه والباقى منهم لا يتمتع بهذا بالاضافه الى ان بكار علاقته بالشرطة المصرية تكاد نكون طيبه للغاية فهو ف المسلسل الكرتونى مغامراته مع الشرير مشرط يجد الشرطه المصرية تساعده بكل قوة وهو ماليس صحيح بالنسبة للنوبيين –انى اعلم أن الشرطه المصريه هى من أسوء أجهزة الشرطة ف العالم وتعامل المصريين بسوء- ولكن الشرطه تتعامل بعنف اكثر مع النوبيين يكفى أن اذكر لك حادثه تاجر الفراخ  عبد الوهاب عبد الفتاح الشهير ب كره الذي تم قتله من احد رجال الشرطه  داخل منزله  وامام زوجته بدون اى أسباب واضحة او معلومة
تعليقان (2)
قراءة المزيد